Skáli Ferðafélags Akureyrar, Þorsteinsskáli er í Herðubreiðarlindum, um 4 km austan við þjóðarfjallið Herðubreið. Aka þarf yfir tvö vöð á leið úr Mývatnssveit í Herðubreiðarlindir, það stærra er yfir Lindaá sem rennur um Herðubreiðarlindir og krefst sérstakrar varúðar. Milli Herðubreiðarlinda og Drekagils er um 30 km akstursfjarlægð. Gistirými er fyrir 25 manns, svefnpokapláss á dýnum. Í eldhúsi eru áhöld, gashella og Sóló eldavél tengd við miðstöð. Snyrtihús er við skálann.
Gott tjaldsvæði er í Herðubreiðarlindum, snyrtiaðstaða með sturtu.
Skálavarsla/tjaldvarsla er frá miðjum júní fram í miðjan ágúst. Fyrirspurn um gistingu er hægt að senda á heimasíðu FFA
GPS: N65°11,56 W16°13,39
