Flugklasinn Air66N

Upplifðu Norðurland Opinber ferðavefur um Norðurland

Eða prófaðu að leita eftir flokki og/eða staðsetningu

Leita af

Nálægt

Flugklasinn Air 66N er samstarfsverkefni fyrirtækja í ferðaþjónustu á Norðurlandi, sveitarfélaga, stofnana og annarra hagsmunaaðila í samfélaginu. Klasinn er leiðandi í að markaðssetja og kynna Akureyrarflugvöll sem nýjan áfangastað fyrir millilandaflug allt árið um kring með það að markmiði að fjölga ferðamönnum á Norðurlandi og lengja dvöl þeirra á svæðinu. Verkefnið fór af stað 2010 og í október það ár var ráðinn verkefnastjóri til að annast undirbúning að verkefninu í samvinnu við ýmsa hagsmunaaðila. Í október 2011 var klasinn svo formlega stofnaður. Verkefnið hefur frá upphafi verið hýst hjá Markaðsstofu Norðurlands (MN).

Framtíðarsýn Air 66N er að stöðug eftirspurn sé eftir ferðaþjónustu á Norðurlandi allt árið með reglulegu millilandaflugi á Akureyrarflugvöll þar sem nýr áfangastaður á Íslandi hafi verið opnaður.

Millilandaflug um Akureyri

Á undanförnum misserum hafa tækifærin til ferðalaga með flugi frá Akureyri aldrei verið fjölbreyttari.

easyJet
Vorið 2023 tilkynnti easyJet um beint flug til Akureyrar í vetur, en félagið hefur flogið til Keflavíkur um árabil. Ári síðar, vorið 2024, var svo tilkynnt um að einnig yrði flogið frá Manchester til Akureyrar veturinn 2024-2025.

Flogið verður frá Gatwick flugvellinum í London og flugvellinum í Manchester, en þaðan er hægt að taka tengiflug til að komast nánast hvert sem er í heiminum. Hægt er að kaupa flugferðir á heimasíðu easyJet og þar er hægt að bæta við tengiflugi með félaginu lengra út í heim. Einnig er hægt að nýta síður á borð við Dohop, til að kaupa tengiflug með öðrum flugfélögum.

Flogið er alla þriðjudaga og laugardaga frá 5. nóvember 2024 til 26. apríl 2025.

Smelltu hér til þess að finna flug frá Akureyri

Edelweiss
Sumrin 2024-2025 flaug svissneska flugfélagið Edelweiss beint til Akureyrar frá Zurich. Árangurinn af þeim flugferðum var góður og nú þegar er hægt að panta ferðir til Zurich sumarið 2025. Bóka þarf í gegnum heimasíðu Swiss: www.swiss.com/ch/en/homepage

Voigt Travel
Hollenska ferðaskrifstofan Voigt Travel flýgur með farþega bæði á veturna og sumrin og það er flugfélagið Transavia sem sér um þær ferðir. Íslendingar geta keypt ferðir til Hollands hjá ferðaskrifstofunni Verdi. Sjá: www.verditravel.is

Kontiki
Svissneska ferðaskrifstofan Kontiki býður upp á vetrarferðir til Norðurlands veturinn 2025, með beinu flugi frá Zurich til Akureyrar í febrúar og mars. Þetta er annar veturinn í röð sem Kontiki býður upp á þessar ferðir.
Sjá nánari upplýsingar hér: https://www.kontiki.ch/nordisland-im-winter

Áætlun 2025-2026

Skýrslur

Skýrsla frá KPMG um greiningu á gistirýmum, unnin árið 2022 með tilliti til aukinna umsvifa í millilandaflugi um Akureyrarflugvöll

Sviðsmyndagreining

Markaðsstofa Norðurlands hefur látið meta ávinning af reglubundnu millilandaflugi um Akureyrarflugvöll. Settar voru fram fjórar mismunandi sviðsmyndir og ávinningurinn metinn út frá forsendum hverrar sviðsmyndar fyrir sig. Jón Þorvaldur Heiðarsson, hagfræðingur og lektor við Háskólann á Akureyri, gerði þetta mat og tölurnar sem hér eru birtar eru teknar úr greinargerð hans, sem má skoða með því að smella hér.

Sjá myndræna framsetningu á skýrslu

Sviðsmyndagreining á millilandaflugi um Akureyarflugvöll
Infogram

Stöðuskýrslur Flugklasans

Fréttir frá Flugklasanum

Leiguflug frá Sviss til Akureyrar hafin að nýju

Flugvél á vegum svissnesku ferðaskrifstofunnar Kontiki lenti á Akureyrarflugvelli um síðustu helgi, í beinu flugi frá Zurich í Sviss. Flogið verður vikulega á sunnudögum næstu sex vikurnar, en þetta er annað árið í röð sem boðið er upp á vetrarferðir til Akureyrar frá þessari stærstu borg Sviss.
Vetrarflug Voigt Travel hafin og sumarferðirnar auglýstar

Fyrsta flugvél vetrarins á vegum hollensku ferðaskrifstofunnar Voigt Travel lenti á Akureyrarflugvelli síðastliðinn laugardag. Voigt Travel hefur staðið fyrir vetrarflugi til Akureyrar frá árinu árið 2020 og var þetta fyrsta flug af 10 þennan veturinn, en flogið er með hollenska flugfélaginu Transavia.
Upptaka og kynningar frá Flugi til framtíðar

Hér að má sjá dagskrá ráðstefnunnar, þar sem hægt er að smella á hlekki til að skoða glærukynningar. Upptöku frá fundinum má einnig sjá hér neðar í færslunni.
Áframhaldandi stuðningur við beint millilandaflug til Akureyrar og Egilsstaða

Menningar- og viðskiptaráðherra, Lilja Alfreðsdóttir, skrifaði í dag undir samninga um áframhaldandi stuðning úr Flugþróunarsjóði við Markaðsstofu Norðurlands, Flugklasann og Austurbrú, um beint millilandaflug til Akureyrar og Egilsstaða.