Eða prófaðu að leita eftir flokki og/eða staðsetningu
Fyrir hönd fyrirtækis sem tilgreint er hér að ofan staðfesti ég samtarf við Markaðsstofu Norðurlands(MN). Samstarfssamningur er gerður á milli MN og ofangreinds fyrirtækis með fyrirvara um að fyrirtæki sé skráð í gagnagrunn Ferðamálastofu Íslands og hafi öll tilskilin leyfi sem lúta að starfsemi þess. Samningurinn er tvíhliða og má segja honum upp skriflega án fyrirvara af báðum aðilum enda er eðli hans þess háttar. Segja skal samningi upp skriflega. Fyrirtæki skuldbindur sig til þess að velja flokk sem er viðeigandi og lagfæra flokk ef rekstur stækkar eða minnkar. Flokkur reiknast miðað við ársverk. Ársverk eru samtala hversu margir vinna fulla vinnu 12 mánuði ársins. Ekki er reiknað minna en eitt ársverk. Verðskrá má finna undir síðunni Samstarfsfyrirtæki. Markaðsstofan sendir reikninga ársfjórðungslega og eru þeir sendir rafrænt, annars birtast þeir í heimabanka viðkomandi fyrirtækis undir rafrænum skjölum. Fyrirtæki bera ábyrgð á að koma efni til MN til kynningar bæði á heimasíðu, bók og með öðrum hætti. Með staðfestingu þá heimilar fyrirtæki/stofnun Markaðsstofu Norðurlands að birta efni á miðlum sínum um samstarfsfyrirtæki nema annað sé tekið fram. Háttsemi fulltrúa fyrirtækja í samstarfi við MN skal vera með þeim hætti að orðspor Norðurlands, þátttökufyrirtækisins eða Markaðsstofu Norðurlands bíði ekki hnekki.
