Fréttaskot 27.09.2016 - Vestnorden, FAM, Uppskeruhátíð og fleira
Vestnorden er í næstu viku og markaðsstofan tekur þátt að venju. Við viljum hvetja þá sem ekki hafa sent okkur uppfærða rafræna bæklinga að gera það hið fyrsta. Við erum með usb lykla á sýningunni sem við afhendum ferðasöluaðilum með frekari upplýsingum og þar er gott að hafa sem flesta bæklinga á rafrænu formi frá samstarfsfyrirtækjum. Við getum ekki tekið við myndböndum þar sem þau eru of stór.
DMP fundir Ferðamálastofu og Stjórnstöðvar ferðaþjónustunnar eru haldnir 10. október klukkan 09:30 á Húsavík, klukkan 16:00 á Blönduós og 11. október klukkan 10:00 á Akureyri. Frekari upplýsingar má finna um fundina hér http://www.nordurland.is/is/markadsstofan/frettir-af-innra-starfi/kynningarfundir-um-gerd-stefnumarkandi-stjornunaraaetlana.
Markaðsstofan og SSNV stóðu fyrir kynnisferð á Norðurlandi vestra í síðustu viku og þar var markhópurinn innlendar ferðaskrifstofur sem selja á mismundandi mörkuðum á erlendri grundu. Markmiðið með ferðinni var að sýna fram á möguleikanna að dvelja lengur innan svæðis og skoða fleira. Þátttakendur voru mjög glaðir með framtakið og töldu sig hafa lært mikið sem gagnast í skipulagningu, sölu og markaðssetningu á ferðum inn á svæðið. Fyrirhugað er að endurtaka leikinn á fleiri svæðum á næsta ári.
Upptökur af málþingum. Upptökur af málþinginu Aðgengi að Íslandi – Millilandaflug um Norður- og Austurland er nú aðgengilegar hér http://www.nordurland.is/is/markadsstofan/frettir-af-innra-starfi/adgengi-ad-islandi-1. Upptökur frá málþinginu Dreifing Ferðamanna er koma inn á netið innan skamms á www.markadsstofur.is.
Uppskeruhátíð ferðaþjónustunnar á Norðurlandi verður haldin 20. Október næstkomandi og skráningar hefjast innan skammt. Takið endilega daginn frá. Hátíðin er haldin í Skagafirði í ár.