Fréttaskot 9.6.15
Vinnustofa á Akureyri með þýskum ferðaskrifstofum 18. júní.
Við minnum samstarfsfyrirtæki Markaðsstofunnar á vinnustofuna 18. júní næstkomandi klukkan 16:00-18:00 á efri hæð Greifans. Fyrirkomulagið er einfalt, hver og einn fær eitt borð til þess að geyma bæklinga og annað efni. Skráning á vinnustofuna er hér http://www.nordurland.is/is/markadsstofan/frettir-af-innra-starfi/vinnustofa
Birdfair
Markaðsstofan mun sækja Birdfair annað árið í röð og við leitum að samstarfsfyrirtækjum sem vilja taka þátt í sýningunni. MN velur úr umsóknum einn frá Eyjafirði, Norðurlandi Eystra og Vestra plús einn auka þátttakanda. Allir sem taka þátt þurfa að kynna allt svæðið. MN sér um að standsetja bás. Hver og einn greiðir fyrir uppihald og gistingu ásamt 40.000 kr. til MN í kostnað við bás og kynningarefni. Vinsamlegast sendið póst á info@nordurland.is sem fyrst ef þú hefur áhuga á að koma með.
Bækur og kort í dreifingu
Nú eru bæði bækur og kort komin í umferð og er þeim dreift af MN og R3 Dreifingu. Ef einhvern vantar kort eða bækur þá má nálgast það í næstu upplýsingarmiðstöð eða hjá MN.
Eru upplýsingar um þig réttar á heimasíðunni?
Sumarið er byrjað og allt er komið á fullt. Við minnum alla á að yfirfara upplýsingar um sig á heimasíðunni www.nordurland.is og www.northiceland.is fyrir enska hlutann. Með skráningum er einnig hægt að birta einkunn og 3 nýjustu umsagnir á Trip Advisor ásamt því að benda á sér Facebook síðu.