Júlí er yfirleitt hlýjasti mánuður ársins. Þá eru heiðarnar eins grónar og þær verða og lax- og silungsveiði er hafin í ám landsins. Júlí er aðal sumarleyfismánuður Íslendinga og sérstaklega mikið er um fjölskyldufólk á ferðinni, auk þess sem flestir ferðamenn eru á landinu.
Júlí er hinn fullkomni tími til að ferðast um Norðurstrandarleið og finna frelsið, fara á fáfarna staði og njóta kyrrðarinnar.
Hvað þarf ég að taka með?
- Flíspeysa/létt ullarpeysa
- Létt lög af fötum (síðermaboli, létta jakka o.þ.h.)
- Regn-/vindheldur jakki og buxur
- Sterkir gönguskór með góðum sóla
- Sólgleraugu
- Vettlingar
- Trefill
- Húfa
- Hlý undirföt/ullarnærföt (sérstaklega ef ferðinni er heitið inn á hálendi eða í fjallgöngur)
- Vatnsheldir gönguskór (sérstaklega ef ferðinni er heitið inn á hálendi eða í fjallgöngur)
- Hlýir sokkar eða göngusokkar(sérstaklega ef ferðinni er heitið inn á hálendi eða í fjallgöngur)
- Sundföt
- Fljótþornandi handklæði (sérstaklega ef farið er í náttúrulaugar og uppsprettur – hægt er að leigja handklæði í flestum sundlaugum)
- Skordýrafælur/flugnanet
- Augnhlíf/svefngrímu
- Sólavörn
