Formlegri opnun Demantshringsins frestað ótímabundið

Á morgun, laugardaginn 22. ágúst stóð til að opna Demantshringinn formlega með borðaklippingu og ræðum. Þessari opnun hefur nú verið frestað ótímabundið, en nánari upplýsingar um það hvenær hún verður verða gefnar út í næstu viku.

Þrír ráðherrar voru á meðal ræðumanna og áttu að sjá um að klippa á borða til að opna veginn með formlegum hætti, en í ljósi þess að þeir þurfa nú að undirgangast skimanir og viðhafa smitgát hefur verið ákveðið að fresta viðburðinum. 

Hér má lesa um viðburðinn og þá dagskrá sem búið var að skipuleggja.