Mannamót markaðsstofanna eru afstaðin og var metþátttaka. Við þökkum öllum þeim sem tóku þátt í sýningunni á einn eða annan þátt fyrir og vonumst til þess að sjá sem flesta 19. janúar 2017 á Mannamótum. Mid Atlantic og útgáfa bókarinnar North Iceland Tourist Guide 2016-2017 er á næsta leiti. Við óskum eftir breytingum á upplýsingum í bók er varðar fyrirtæki sem eru í henni sem fyrst. Bókina sem kom út í fyrra má sjá hér http://www.nordurland.is/static/files/Baeklingar/official_tourist_guide_2015_lowrez.pdf Vinsamlegast sendið nýjar upplýsingar sem getur verið breyting á grunn upplýsingum eða myndum á netfangið info@nordurland.is fyrir 8. Febrúar.

Mannamót verða haldin fimmtudaginn 21. janúar í Flugskýli Ernis á Reykjavíkurflugvelli (bakvið Hótel Natura) , um 180 fyrirtæki af öllu landinu eru skráð til leiks, fullt hús og búið að loka fyrir skráningu. Það er enn opið fyrir skráningu gesta og nú þegar eru um 250 manns skráðir. Við megum því eiga von á að mikið verði um að vera.

Landsbyggðin í sókn Markaðsstofur landshlutanna standa fyrir ferðasýningunni Mannamót 2016 fimmtudaginn 21. janúar. Tilgangur Mannamóts er að auka dreifingu ferðamanna um landið allt með því að mynda og efla tengsl á milli ferðaþjónustufyrirtækja á Íslandi. Gestir munu sjá og fræðast um allt það sem er efst á baugi í ferðaþjónustu á landsbyggðinni.

Síðastliðin föstudag var haldinn fundur um breytingar á virðisaukaskattslögum er varðar ferðaþjónustu. KPMG hélt erindið og má sjá það hér með því að smella hér.

Markaðsstofa Norðurlands óskar þér gleðilegar jóla og farsældar á komandi ári. Skrifstofa MN mun loka á milli jóla og nýárs. Síðasti starfsdagur jól er 22. desember og við opnum svo aftur 4. janúar. Árið 2015 hefur verið viðburðaríkt fyrir ferðaþjónustuna.

Samgönguþing Markaðsstofu Norðurlands var haldið 19.11.15 í Menningarhúsinu Hofi á Akureyri. Þingið var vel sótt og erindin voru fróðleg. Þingið var tekið upp og má nálgast það í heild sinni ásamt erindum á þessari slóð http://www.nordurland.is/is/bladamenn/frettir/samgonguthing

Samgönguþing einkenndist að þessu sinni af vegamálum og flugmálum. Markaðsstofan hefur tekið að sér hlutverk tengiliðs við vegagerðina fyrir hönd ferðaþjónustunnar á Norðurlandi. Það starf felur í sér samhæfingu og kortlagningu á þörfum ferðaþjónustunnar í vegamálum ásamt samskiptum við vegagerðina fyrir hönd ferðaþjónustunnar og öfugt.

Samgönguþing Markaðsstofu Norðurlands verður haldið fimmtudaginn 19. nóvember 2015 í Hofi á Akureyri. Samgöngur eru forsenda fyrir uppbyggingu og vexti ferðaþjónustu á Norðurlandi og grunnurinn að því að markmið um dreifingu ferðamanna náist.

Kynning á nýjum Vegvísi ferðaþjónustunnar eru fyrirhugaðir á Norðurlandi. Fundirnir eru sem hér segir: Veitingahúsinu Sölku á Húsavík Miðvikudaginn 4. nóvember kl. 12:00

Rannsóknamiðstöð ferðamála, Ferðamálastofa, Markaðsstofa Norðurlands og Akureyrarstofa bjóða til málstofu mánudaginn 2. nóvember kl. 14-15 í anddyri Borga, rannsókna- og nýsköpunarhúsinu, við Háskólann á Akureyri.

Local Food festival, matarmenningarhátíðin á Norðurlandi fór fram í Íþróttahöllinni á Akureyri á laugardaginn. Tilgangur hátíðarinnar er að vekja athygli á Norðurlandi og þeirri miklu matvælaframleiðslu sem þar fer fram, fjölbreyttu úrvali veitingastaða, matarmenningu og annarri framleiðslu sem tengist matvælum.

Uppskeruhátíð ferðaþjónustunnar á Norðurlandi var haldin fimmtudaginn 8. október síðastliðinn. Hátíðin var að þessu sinni haldin í Þingeyjarsveit og Húsavík og tóku um 90 manns þátt í gleðinni.