Fréttir

Iceland Winter Games (IWG) hátíðin verður haldin í Hlíðarfjalli á Akureyri dagana 23.-25. mars nk. Um alþjóðlega vetrarhátíð er að ræða en hátíðin var fyrst haldin árið 2014 en snýr nú aftur eftir tveggja ára hlé. Í ár er von á keppendum víðs vegar að úr heiminum, m.a. frá Bandaríkjunum, Kanada, Austurríki og fleiri Evrópulöndum.

Markaðsstofan tekur þátt í Birdfair eins og fyrri ár í gegnum verkefnið Birding Iceland. Sýningin stækkar ár frá ári og sömuleiðis eykst alltaf áhuginn á Íslandi.

Breska ferðaskrifstofan Super Break, sem hefur undanfarnar vikur komið með um 2500 breska farþega til Akureyrar, áformar nú að nota enn öflugri og stærri vél fyrir Norðurlandsferðirnar en verið hefur.

Nú er þriðja áfangaskýrslan um Arctic Coast Way - Norðurstrandarleið komin út. Í skýrslunni er fjallað um þróun á upplifunum, en sú vinna er unnin í samstarfi við breska ráðgjafafyrirtækið Blue Sail.

Það má með sanni segja að janúar hafi verið mánuður ferðasýninganna, þar sem bæði Mannamót og Mid-Atlantic voru áberandi, svo eitthvað sé nefnt.

Verkefnið Norðurstrandarleið - Arctic Coast Way fékk á dögunum tvo peningastyrki, annarsvegar úr Uppbyggingarsjóði Norðurlands Eystra sem Eyþing heldur utan um og hinsvegar úr Uppbyggingarsjóði Norðurlands Vestra sem SSNV heldur utan um.

Það gleður okkur mikið að tilkynna um samstarf Norðurstrandarleiðar og verkefnisins Matarauður Íslands, til að skapa svokallaðar „matarupplifanir“ á þessum nýja ferðamannavegi. Í samstarfinu felst fjárhagslegur stuðningur Matarauðs við Norðurstrandarleiðarverkefnið og mun peningurinn meðal annars fara í kaup á ráðgjöf frá fyrirtækinu Blue Sail um þróun á matarupplifunum á þessu ári.

Markaðsstofa Norðurlands skorar á stjórnvöld að tryggja strax fjármagn til þess að kaupa og setja upp ILS aðflugsbúnað fyrir aðflug úr norðri á Akureyrarflugvelli. Jafnframt að gerð verði áætlun, og hún fjármögnuð, um uppbyggingu á Akureyrarflugvelli til framtíðar svo hann geti þjónað hlutverki sínu sem varaflugvöllur og millilandaflugvöllur Norðurlands. Það felur m.a. í sér stækkun flugstöðvarinnar, stækkun flughlaðsins og að tryggja að flugvöllurinn sé sem best tækjum búinn.

Í hádeginu í dag lenti Boeing vél flugfélagsins Enter Air á Akureyrarflugvelli, með fyrstu bresku ferðamennina innanborðs sem koma með beinu flugi frá Bretlandi á vegum ferðaskrifstofunnar Super Break. Þetta markar tímamót í ferðaþjónustu á Norðurlandi því Super Break áformar að fljúga til Akureyrar áfram næstu misserin og að miklu leyti á þeim tíma ársins sem hingað til hefur verið rólegri í ferðaþjónustu.

Nú styttist í komu fyrstu ferðamannana til Akureyrar á vegum bresku ferðaskrifstofunnar Super Break. Á föstudag lendir fyrsta flugvélin á Akureyrarflugvelli og um leið hefst nýtt tímabil í sögu ferðaþjónustu á Norðurlandi. Við hlökkum mikið til! Starfsmenn Super Break sem verða staðsettir á Akureyri næstu vikurnar eru nú þegar komnir í bæinn og eru farnir að undirbúa komu fyrstu ferðamannanna.

Í dag kom út stöðuskýrsla vegna DMP-verkefnisins sem Markaðsstofa Norðurlands vinnur að, ásamt Ferðamálastofu, Selasetrinu á Hvammstanga og Atvinnuþróunarfélagi Þingeyinga. Í skýrslunni er farið yfir þá vinnu sem nú þegar er lokið, farið er yfir hvað er framundan og hverjar áherslur þess verða.

,,Ferðamaðurinn eða fjárfestingin - Hvort kemur á undan?" var yfirskrift fundar á vegum Markaðsstofa landshlutanna sem var haldinn þann á Grand Hótel fyrr í haust. Fundurinn var tekinn upp og hefur nú verið gerður aðgengilegur í heild sinni á YouTube rás Markaðsstofa landshlutanna.