Fréttir

Akureyri valinn topp áfangstaður í Evrópu í sumar af Lonely Planet Lonely Planet valdi Akureyri sem topp áfangastað í Evrópu í sumar. Með því að velja Akureyri er verið að vísa í allt það sem er hér í boði og nær umhverfi Akureyrar spilar þar stóran hluta. Náttúruperlur í allar áttir, þjónusta og menning gera það að verkum að svona viðurkenning hlotnast. Til hamingju allir á Norðurlandi sem hafa tekið að sér að gera svæðið að topp áfangastað.

Ríkið ætlar að liðka til fyrir millilandaflugi frá Egilsstöðum og Akureyri með því að fella niður gjöld á flugfélög fyrstu tvö árin og aðstoða við markaðssetningu svæðanna með fjárframlögum. Þetta staðfestir Matthías Imsland, formaður starfshóps sem kannar möguleika á millilandaflugi frá landsbyggðunum. Tekjur hins opinbera af millilandafluginu yrðu nærri 1,3 milljörðum króna árlega.

Vinnustofa á Akureyri með þýskum ferðaskrifstofum 18. júní. Við minnum samstarfsfyrirtæki Markaðsstofunnar á vinnustofuna 18. júní næstkomandi klukkan 16:00-18:00 á efri hæð Greifans. Fyrirkomulagið er einfalt, hver og einn fær eitt borð til þess að geyma bæklinga og annað efni.

Háskólinn á Akureyri tekur þátt í EEA verkefni sem snýst um Augmented reality (AR) eða aukinn veruleika. Um er að ræðatölvutækni sem hefur verið að ryðja sér til rúms víða erlendis m.a. í kennslu, ferðaþjónustu og hjá fyrirtækjum. AR býður upp ýmislegt umfram QR kóðann, sem dæmi má nefna þrívíddarhreyfimyndir. Tæknin getur nýst á ýmsa vegu en í stuttu máli gengur hún út á að hlaða niður appi í snjalltæki sem síðan lífgar við texta eða myndir.

Aðalfundur Markaðsstofu Norðurlands var haldinn 22. maí 2015 kl 13-15 á Hótel KEA. Dagskrá var samkvæmt skipulagsskrá. Á vef MN er að finna kynningar á starfinu 2014 og kynningu á starfi flugklasans Air 66N sem farið var yfir á fundinum.

Aðalfundur Markaðsstofu Norðurlands verður haldinn föstudaginn 22. maí nk. kl 13-15 á Hótel KEA Akureyri. Dagskrá aðalfundar verður skv skipulagsskrá: Skýrsla stjórnar Afgreiðsla ársreiknings Afgreiðsla fjárhagsáætlunar Stjórnarkjör Kjör endurskoðenda Starfsreglur stjórnar Önnur mál

Markaðssetning viðhorf og samstarf. Íslandsstofa og Markaðsstofa Norðurlands boða til upplýsingafunda um samstarf og markaðssetningu áfangastaðarins Íslands. Á fundunum mun Inga Hlín Pálsdóttir, forstöðumaður, ferðaþjónustu og skapandi greina, fara yfir hvernig verið er að vinna markaðsstarfið á erlendum mörkuðum á þessu ári ásamt því að ný herferð Ísland – allt árið verður kynnt. Farið verður einnig stuttlega yfir nýja viðhorfs- og vitundarannsókn um Ísland. Arnheiður Jóhannsdóttir, framkvæmdastjóri Markaðsstofu Norðurlands, mun kynna áherslur markaðsstofunnar í markaðssetningu og samstarfi. Í lok fundar gefst tími til umræðna.

Móttaka og kynning á söfnum Safnaklasans í Hofi Í tengslum við opnun á sameiginlegri sýningu safnanna í Eyjafirði í Menningarhúsinu Hofi er ferðaþjónustuaðilum boðið á kynningu á söfnunum í Hofi miðvikudaginn 13. maí n.k. milli kl. 16-18.

Í gær var haldinn fundur um 65 sveitarstjórnarmanna og þingmanna á Akureyri um opnun fleiri gátta inn í landið fyrir erlenda ferðamenn. Á fundinum kom fram mikill einhugur meðal fundarmanna um mikilvægi þess að opna fleiri gáttir inn í landið. Mikil samstaða var einnig um að aðkoma heimamanna væri nauðsynleg í vinnunni. Skipun starfshóps á vegum forsætisráðuneytisins var fagnað, en jafnframt lögð áhersla á að út úr vinnunni komu haldbær gögn og ákvarðanataka stjórnvalda í kjölfarið.

Ski Iceland Markaðsstofan hefur stýrt verkefni með skíðasvæðum Íslands sem staðsett eru á Norðurlandi undanfarin misseri. Samstarfið hefur gegnið vel og mikill erill var í skíðatengdri kynningu nú upp á síðkastið. Ski Iceland(www.skiiceland.is) klasinn tók þátt í Vestnorden, Mannamótum og Mid Atlantic.

Markaðsstofa Norðurlands, í samvinnu við atvinnu- og nýsköpunarráðuneytið og Samtök ferðaþjónustunnar, boðar til funda um mótun stefnu og framtíðarsýnar í íslenskri ferðaþjónustu.

Sýningin MATUR-INN 2015 í Íþróttahöllinni á Akureyri dagana 17. og 18. október 2015 Sýningin er haldin annaðhvert ár og var aðsóknarmet sett árið 2013 þegar 13-15 þúsund gestir heimsóttu sýninguna. Fáir viðburðir eru fjölsóttari á Norðurlandi og laðar sýningin einnig að sér gesti víða að af landinu. Skráning er nú hafin.