Norðurland hefur uppá margt að bjóða og þar ættu allir að finna eitthvað við sitt hæfi. Náttúran er stórkostleg, afþreyingin fjölbreytt, maturinn góður og fólkið vingjarnlegt. Hægt er að keyra eftir hinum venjulega hringvegi eða fara út fyrir alfaraleið og prófa að keyra ferðamannaleiðirnar Norðurstrandarleið og Demantshringinn.

Ný stjórn Markaðsstofu Norðurlands var kosin á aðalfundi, sem haldinn var þann 26. maí síðastliðinn. Aðalfundurinn var óvenjulegur, eins og svo margir fundir þetta misserið, en hann var í fyrsta sinn haldinn sem fjarfundur. Fundarstörf gengu engu að síður vel fyrir sig og venju samkvæmt var kosið í lausar stöður í stjórn MN.

Ferðamenn sjá það sem mikinn kost að á Norðurlandi er hægt að upplifa fámenni, víðáttu og ósnorta náttúru, en slíkt verður að teljast kostur í því ástandi sem ferðaþjónusta í öllum heiminum er í um þessar mundir. Norðurljós, hvalaskoðun og gönguferðir eru þeir möguleikar í afþreyingu sem flestir ferðamenn nefndu í sérstakri viðtalsrannsókn, og helstu seglarnir eru Akureyri, Mývatn, Dettifoss og fossar almennt.

Markaðsstofa Norðurlands heldur opna fundi á Norðurlandi næstu tvær vikurnar. Áætlað er að hver fundur verði um klukkutíma langur.

Ferðaþjónustufyrirtæki á Norðurlandi telja að þau muni komast í gegnum það ástand sem Covid-19 veirufaraldurinn hefur skapað og ætla að vera með opið hjá sér í sumar. Þetta kemur fram í niðurstöðum könnunar sem Markaðsstofa Norðurlands gerði í byrjun maí. Meirihluti þeirra er að nýta úrræði ríkisstjórnarinnar, þar af eru flest þeirra að nýta hlutabótaleiðina.

Markaðsstofa Norðurlands boðar til aðalfundar þriðjudaginn 26. maí 2020 kl. 13:00-14:30. Fundurinn verður haldinn í fjarfundi og skráðir þátttakendur fá hlekk á fundarkerfi.

Áætlað er að 580 þúsund erlendir ferðamenn hafi komið á Norðurland árið 2019, eða um 30% af þeim erlendu ferðamönnum sem komu til Íslands

Ferðaþjónustan á Norðurlandi hefur byggst upp á löngum tíma. Að uppbyggingunni hafa komið þrautseigir frumkvöðlar, hugsjónamenn sem hafa séð tækifæri til þess að byggja upp sitt samfélag, skapa tekjur og búa til ný störf.

Ferðamálastofa mun nú á vordögum setja í gang átak til að hvetja Íslendinga til að ferðast innanlands í sumar og kaupa vörur og þjónustu hjá ferðaþjónustufyrirtækjum. Auglýsingastofan Brandenburg sér um þróun átaksins og er efni þess hugsað þannig að það nýtist fyrir alla landshluta og að ferðaþjónustufyrirtæki og fleiri geti nýtt það í sínu eigin markaðsefni.

Hvalaskoðun á Norðurlandi er ein vinsælast afþreyingin sem er í boði – og ekki að ástæðulausu. Síðustu ár hefur það verið nánast öruggt að það sjáist til hvala í hverri einustu ferð yfir sumartímann sem hvalaskoðunarfyrirtækin hafa farið.

Bandaríkin voru stærsta markaðssvæði norðlenskrar ferðaþjónustu á síðasta ári, rétt eins og á landinu öllu. Um 4% aukning varð á seldum gistinóttum til Bandaríkjamann miðað við árið áður, en mesta fjölgunin var í seldum gistinóttum til Kínverja eða um 17%.

Á síðustu vikum hefur mikilvægi ferðaþjónustunnar fyrir atvinnulífið og heimilin á Íslandi orðið öllum ljóst. Stjórnvöld hafa komið fram með fyrstu tillögur til að aðstoða fyrirtækin yfir erfiðasta hjallann með þá áherslu að verja störf.