Júlli leiðsögumaður er aftur farinn í ferðalag um Norðurland, og nú fer hann Demantshringinn. Á þeirri leið má sjá magnaðar náttúruperlur á borð við Ásbyrgi, Dettifoss, Goðafoss og Mývatn og nágrenni þess. Í dag er Júlli á Húsavík, „höfuðborg hvalanna.“

Í júní og júlí ætlar Markaðsstofa Norðurlands að leyfa samstarfsfyrirtækjum sínum, sem þess óska, að „taka yfir“ samfélagsmiðlasíðuna Norðurland á bæði Facebook og Instagram

Svartar strendur eru einkennandi fyrir Ísland þar sem oft á tíðum er hægt að finna rekavið, skeljar og annað áhugavert sjávarfang. Þessar strendur eru margar hverjar vel aðgengilegar og fátt er meira hressandi en göngutúr meðfram strandlengjunni og anda að sér fresku sjávarloftinu.

Hollenska ferðaskrifstofan Voigt Travel hefur ákveðið að aflýsa öllum flugferðum á sínum vegum í sumar, þ.m.t. til Akureyrar. Ástæðan er óvissan sem enn ríkir vegna Covid 19 faraldursins.

Nú skoðar Júlli leiðsögumaður eyjarnar tvær sem búið er í við Norðurland og tilheyra Norðurstrandarleið, en gerir það að vísu á þremur dögum svo því sé haldið til haga. Það er enda af nægu að taka þegar kemur að afþreyingu í Hrísey og Grímsey, fuglalífið er margslungið, maður kemst yfir heimskautsbaug, smakkar á hvönn og eggjum og upplifir kyrrðina sem fylgir lífi eyjaskeggja.

Júlli leiðsögumaður byrjar daginn á Þórshöfn og þræðir Langanes, alveg út að vitanum á Fonti. Hann verður orðlaus yfir náttúrunni á þessu magnaða nesi og gengur út á útsýnispallinn við Stóra-Karl. Dagurinn endar á Bakkafirði, þar sem Júlli kemst meðal annars í kynni við hreindýr!

Leiðsögumaðurinn Júlli er kominn á Melrakkasléttu. Þar er paradís fuglaskoðara, stórkostleg náttúra og nyrsti oddi landsins, sem er ekki Hraunhafnartangi eins og margir halda. Þar er einnig að finna eina merkilegustu mannanna smíð sem finna má á Íslandi, Heimskautsgerðið, sem allir ættu að sjá en okkar maður segir skemmtilega frá því.

Júlli leiðsögumaður byrjar á Húsavík, þaðan sem hann fer fyrir Tjörnes og endar í Ásbyrgi. Stórfenglegur kraftur náttúrunnar er þar bersýnilegur, fuglalífið fjölskrúðugt og sögurnar margar. Júlli trúir á þjóðsögur, þær eru enda oft svolítið skemmtilegri en þær vísindalegu, þó þær síðarnefndu séu ekkert minna merkilegri.

Júlli leiðsögumaður heldur áfram á Norðustrandarleið og er kominn inn á Akureyri, þar sem hann prófar þar róðrabretti á Pollinum. Skyldi hann geta staðið á höfðinu? Hann kíkir í Lystigarðinn, Listasafnið og listar upp hversu gaman það er að heimsækja Grenivík, áður en hann heldur til Húsavíkur. Sumarsólsetur við sjóböð er stórfenglegt!

Áfram heldur leiðsögumaðurinn Júlli og nú er hann kominn í Eyjafjörð, nánar tiltekið á Árskógssand og Hauganes. Í þessum litlu sjávarþorpum eru líklega allir vel skrúbbaðir og hreinir, enda ekki annað hægt þegar svo auðvelt er að komast í frábær böð!

Júlli leiðsögumaður vaknar þennan daginn í Fljótunum og byrjar daginn svo við Siglufjörð. Hrafna-Flóki, síldarævintýri, tröllin í Ólafsfirði og náttúran í kringum Dalvík koma við sögu í dag, þegar Júlli ferðast um þennan hluta Norðurstrandarleiðar.

Áfram er Júlli leiðsögumaður á söguslóðum á Norðurstrandarleið, þegar hann skoðar Skagafjörð og fer meðfram strandlengjunni. Þar bregður hann sér í gervi víkinga, fer á hestbak og fer eins nálægt því að fara í sund eins og hægt var í byrjun mánaðar - semsagt bara alls ekki!