Áfangastaðaáætlun

Ábyrg þróun ferðaþjónustu á Norðurlandi

Áfangastaðaáætlun Norðurlands er unnin af Markaðsstofu Norðurlands (MN) í samstarfi við Ferðamálastofu og nær yfir allt starfssvæði MN, eða frá Hrútafirði yfir á Bakkafjörð.

Í áfangastaðaáætlun (e. Destination Management Plan – DMP) felst heildstætt ferli þar sem litið er til skipulags og samhæfingar í þróun og stýringu þeirra þátta sem geta haft áhrif á upplifun ferðamanna á viðkomandi svæði/áfangastað, þ.m.t. þarfir gesta, heimamanna, fyrirtækja og umhverfis. Áfangastaðaáætlun er sameiginleg stefnuyfirlýsing sem hefur það að markmiði að stýra uppbyggingu og þróun svæðis yfir ákveðinn tíma, skilgreina hlutverk hagsmunaaðila og tiltaka beinar aðgerðir. Fyrsta áfangastaðaáætlunin fyrir Norðurland, sem gefin var út árið 2018, var samkvæmt forskrift Ferðamálastofu, en Ferðamálastofa leiddi verkefnið og samdi við markaðsstofur landshlutanna um að halda utan um vinnslu áætlananna. Í tengslum við vinnslu fyrstu áætlunarinnar var unnin greiningarvinna, sem lagði grunn að stefnu um þróun ferðaþjónustu á Norðurlandi, skilgreiningu lykilverkefna og aðgerðaáætlun. Enn er byggt á áætluninni frá 2018, en við síðari uppfærslur hefur uppsetningin verið betrumbætt, verkefnastaða verið uppfærð sem og talnagreiningar.

Fyrir hverja er áfangastaðaáætlun?

Lykilhagaðilar eru ferðaþjónustufyrirtæki og sveitarfélög á Norðurlandi. Aðrir hagaðilar eru þeir sem hafa beinan eða óbeinan hag af ferðaþjónustu á viðkomandi svæði. Áfangastaðaáætlun getur nýst hagaðilum innan svæðis en einnig aðilum utan svæðis. Í gegnum áfangastaðaáætlun geta fulltrúar stjórnvalda og stoðkerfis fengið skýra mynd af starfsemi ferðaþjónustunnar á Norðurlandi og áherslum og verkefnum MN.

Um forgangsverkefni sveitarfélaga

Í nýjustu útgáfu áætlunarinnar hverju sinni er settur fram listi verkefna sem forsvarsfólk sveitarfélaga setur í forgang á sínu svæði. Verkefnin eru misstór og byggja á þörfum hvers sveitarfélags en eiga það sammerkt að bæta aðgengi að áfangastöðum eða búa til nýja, þar sem bæði er gætt að því að byggja upp grunnþjónustu og að því að bæta upplifun ferðamanna.

Hér að neðan má sjá tengingar inn á forgangsverkefni sveitarfélaganna. Hægt er að kynna sér verkefnin með því að smella á nafn hvers sveitarfélags.

 

Núgildandi Áfangastaðaáætlun

Áfangastaðaáætlun 2024

Áfangastaðaáætlun 2021 (uppfærsla 2023)

Áfangastaðaáætlun 2021 (uppfærsla 2022)

Áfangastaðaáætlun 2021

Áfangastaðaáætlun 2018

Áfangastaðaáætlun 2021 á ensku

Hlekkir á tengt efni

Upplýsingar um áfangastaðaáætlun frá Ferðamálastofu
Áfangaskýrsla DMP fyrir árið 2017 má finna með því að smella hér